[Ao kin lipok nungi asen tetsü tebou shisa taka asüji parnoki mulungdangtsü o aika tensa den apet tebang agi belentepa jembia aru. Itemji par tendak tensa balala nung ajangshia aruba aser tanü putu nunga akümlirtemi ajurushia aotsübatem aser tanüdangtsü o tajung aika shina lir. Parnoki jembia aruba shinotemji wazüka ayutsü nükla nung yangi tongtibang kar den tetezü agütsür. Yangi merajemba mesüra kari danga otsü küma tazüngertem ajangzüktsü atema teratet tejangjaba nung agütsünüra pela shishia agizüktsü].  

1. Ak matsüngdang berem teintok.

= Tamashir tsüngdang senti o jembibaji amajok.

2. Ak-i anüng angu ama.

= Tilaka angu nung moraloka jembiba.

3. Akong rongnung marashi.

= Tetemsü meliaka lokti nung tanishir shimba.

4. Amla majem.

= Tebilemba balala/meputeper.

5. An chanui lungtem ajungshi ama.

= Pei dak malangba ken o tulu jembiba.

 6. An tepongi pei tepo sayu.

= Peisasa pei tashi mait sayuba.

7. Süngdong dak nungi tsüker lungreni ai ama. 

=Tamakok sülen tamakok ajuruba mesüra majung dang ka tia tamajung ajurushiba.

8. Waro or tembang akoshi.

= Menuatoker bushiba mesüra tangar teinyaktsü inyaker külen nemnemba.

9. Entsü nung teret chitet.

= Tajung agi tamajung akümba.

10. Per tsüngdang nokbang atsü ama.

= Sentsü aketer dang o meshitetba.

11. Pokpui mesangjang amen ata.

= Kodanga mataloktsüba ka imlaba.

12. An molokbang nung atem ama

= Mashikoshi mapa inyakba, mebilemdangi inyakba mesüra peisasa pei sang nung ashiba.

13. Shitsü/shingo dang süngdongi atutsü tesayu

= Tashi temeteter dang tesayu.

14. Aloh/ango dang tzüwa sayu ama

= Tashir dang mashiri sayuba.

15. Azü o ak na lumungi ao ama

= Mapa ajak ak-i inyak, saka tenüngbo azü agi.

16. Pungmang nung shi den chiyung ama

= Imlaba matalok.

17. Ali chipo jakrep/tsükrep ama

= Tebilemba ajak amajok aküm

18. Angi o ozü na tsüngda azüngtsü

= Ajuruteptsü melena piladaktsüba.

19. Ango tepen sot ama

= Ochi mashir nisung den o züngtep

20. Anü talui tsük apu

= Arishi maket mapa tasen inyakba