Nokinketer tenzüker taküm küm 10 ajungba nüngtem nung website ka lapoker. Küm 10 jakdang Mokokchung kümkümshitsü omen nung ajemdaker tenzük aser Mokokchung dak rangloker social media platform aser bulletin/tabloid adoka nübur nem tatalokba osangori yakyakta belena agütsüba den tensa den apet ocet aser tanü asenoki ajuruba tebilemtsü onük balala bener arua lemsatepa arudaki. Nüburtem nungi telangzüba tajung ngua tejangraba meremsepi tanü tashi arudar.

Nokinketer ajanga yimdak yimtsüng tonga osangtsüsang balala awajema perokshitsü nükla nung oshi ana temeyoktep (bilingual- Ao & English) nung adoker. Iba website ya tang ang tenzüker asünung, tang atema osangtsüsang kar den writers balalai züluba articles aser Mokokchung indang information kar den noksatem angutsü. Meilongi investigative reporting, documentary, aluyimba, e-commerce, Mokokchung indang information tapu balala, noksa tejentem, video news amala, youtube channel amala aser ano tensa den apet mapa tasen tasen bendenloksema aotsü nükla lir. Iba sabang ajanga young writers, photographer, business balala inyaker, aluyimertem, tourism aser ano lenla balala nung Mokokchung tejakleni aotsü atema maongka lapoktsütsü nükjidong lir. Anungji, tangatetba tajung nung iba sabang tajungba aser tejakleni aotsü asoshi nenok nungi shisatsü teyari den tenungitba akanger.

Iba website asangsang kümdakja taoba Nagaland Chief Secretary Wb. Alemtemshi Jamir (IAS Retd), Advisor & MLA Dr. Longrineken, Meyisanger Lemtur, Er. Chubatoshi aser Er.Atoba A. Longkumer parnoki nübu, shisatsü den rongsen tenlaa yariba asoshi Nokinketer teloki kangasa pelaba lemsateper. Ano iba website atema graphic designer Mr. Aochuba-i taah kecha magii logo angati yanglutsüba asoshia pa danga pelar. Iba den külemi iba website atema shirnokisa article tajung zülutsüogo aser kar tang tezüludak lir, nenok ajak dang pelaba metetdaktsür.  

Iba website nung nisung kari danga pei bilemba mesüra article contribute sünüa lira (any article), mesüra iba website tajungba adoktsü asoshi tebilemba kar danga lira, ketdangsürtemi pelashishia agizüktsü.

Iba website lapokba tenüng nung liso/local nisungtem nem mapang tatsüka asoshi ‘Free Advertisement’ maongka lapoka toktsür. Anungji, nisung kari danga pei dokan-tem, resort, restaurant/hotel, home delivery service mesüra na inyakba business mashi “advertise” sünüa lira, iba e-mail – thenokinketer@gmail.com nung yoktsü akok, aser tebilemba balala den article contribute sünürtem mesüra press release, tongtibang sangdongtem ajak iba kasa e-mail nungji merendaki yoktsü mepishia metetdaktsür. Osang tajung kaji; iba website nung kaket zülurtem atemabo mapang telatet makai angati kaket advertise sütsütsü sabang lapoktsür.

Nokinketer küm ter ajungba den alima rangben nung Covid19 lockdown mapang denchir, anungji, iba website yagi nüburtem talisa yimdak yimtsüng tashi nung osangtsüsang maparen balala ajanga tongtettsü amanger.

~ Team Nokinketer  

7005638013/9856511030