Asen Aor kaketshirtem aser luyim balala nung inyakertem jenti India lima tesem aika nung perokshia lir. Tang mapang ya parnok aika timtem, shisabulu aser khuret jenti ajangshia lidaki. Asenok ajaki metet, tanü alima rangben ayimsünga amokbanga aoba wara COVID-19 tashitak ajanga India lima ajak anembonga shibanger lockdown nung lir. Iba ama tensa tamajung ka nung asen adianutem shirnoksa pei kidang nungi pilar oa India lima tesem balala nung lir, parnok timtem aser toushi jenti ajangshia lidar.
Anungji, pi bendang lima ka nung pei kidang nungi pila or iba ama tensa tamajung ka nung okrongseta aliba asen adianutem yaritsü asoshi Ao Kaketshir Mungdang mendenti ajanga iba tayongzükba yimyim ka ayimoktsür.
AKM Public Grievances Cell ketdangsüba kübok asen adianutem dangi teyari yoktsü asoshi Relief Fund ka tenzüker. Anungji, asen Aor senso tajung ajaki asen adianutem asoshi sarasademtsüba den külemi iba Relief Fund nung yimlibilema mulungsoa tenladaktsüner.
Iba Relief Fund ya oagi India lima asen adianutem shirnoksa timtema bangdaka lir, parnok asoshi mejameja amshitsü.
Iba Relief Fund atema tenla agütsür ajak AKM otsü nung züludena ayutsü.
Iba Relief Fund nung tenlatsü asoshi agüja aliba nisungtem den tongteprateptsü akok.
Yimjungsunep, VP : 8787387250
Onenpong, Info & Publicity Secy. : 9774614389
Aoyanger, Executive : 8787844502
Marningsang, Executive : 9862790822
Mesüra agüja aliba Bank Account Number nung inoktsütsü akok.
Account Holder’s Name : Nungdokyanger Ao ( President, AKM)
Account Number : 30386695089
Bank : SBI
IFSC Code : SBIN0008306
Sd/-
(YIMJUNGSUNEP)
Vice President
Convener, Public Grievances Cell
The Nokinketer 