Mokokchung Chamber of Commerce & Industry (MCCI)-i Mokokchung Municipal Council (MMC) dang MMC kübok dokan lapokertem dang lockdown mapang March-May ita asem para atoktsü atema ADC & MMC Administrator dangi temepishiba chitti ka züluogo.

              Iba den ano tang koba MMC Trade Permit tasen küma yanglushiba mapang lir, ibajia ita asembosa atsülangdaktsünür, ta MCCI tir, Wb. Tsükti Longkumeri mepishia metetdaktsü. Iba lockdown mapang iba temeim mapa jagi timtema alir traders jenti tajangzük angutsü, ta paisa shisem.

              Iba temeim aser ariabilem mapaji traders aser item kibongtem aser Mokokchung nüburtemi teti bilemtettsü, ta MCCI, tiri kasa tezüluba nungji shisema liasü.