13/07/2020:

“Oang, ne kiyonger ajak nungi bongdang tazüng apuang, ishikadangbo maputsüla”. 2 Chubatem 4:3

Kinungbu sür temulung züreb-mangyim nung alidang, sentem agütsüri jabaso ana aliba alar südaktsütsü anir aotsü tia ajurudang, iba amitsür koda shisabulur alitsü, bilemdangang! La ket nung akaba ajonga agi totzü bongdang kadak alema kecha maka. Anungji teimla ajak samar liasü. Elisha ainkari kiyonger kidang nungi bongdang tazüng aika aputentsü ashi. La aser jabasotemi kishi shibanger tashi angaa apudenba bongdang nung totzü züoktsü aser bongdang tazüng ajak sünga züden. Iba ayokba agi lar jabaso alang aser tanüngba madak la aser jabaso taküm ali. Bongdang tazüng kibong ajaki nüngdaker. Kiyonger temi temulung lema iba amitsür nüngdak mapang yariba asenoki angur. Kiyongertemi yariba ajanga Tsüngrem sayatenya mapa atalok aser lar kibong jengjang melenshi. Asen nisung ka tashidak tulu agi tonger teimla maka aser makamait saka hospital kati kanga odangnüba liasü anungji kiyongertemi yaritepba iba nisungi jangraba ama hospitali anir ao, shirang sang koda pelar alitsü. Nai ne kiyonger pei ama meimang Mathi 24:39. Kechiyong asü ama, shirangshiko, timtem lendong mapang kiyongeri tama yariteter aser na asoshi kulisür tajungtibaji ne kiyonger asütsü.

Sarasadem

Oba, ozü kiyonger künem tali tali meimdakjang, yimjung nung ajak den litettsü nai ni yariangma. Amen.