14/07/2020:

“Ni tezü aser nenok kongsangtem. Shiba kü dak lir aser ni shiba dak alir, pa jagi süngjang jenti atangtsü; kechiasür ni nungi pila-a nenoki kecha meinyaktet”. Yohan 15:5

Tatishitsü agi, nai o jembitetba dak alaka temang rangben paralysed. Iba ama tia ka nung ne tembar kati ne den lia nüngdak ajak nung yaritsü mulungtet, na koda pelatsü. Kenü ner kidangi ainer ka na ajurui aru, aser na yarisang dang temulung achiba nai ainer dang koma sayutsü? Nai yimpten nungi saker na yarisang ponger senzütsü asü? Tamakoktsü! Saka nai ne tembarsang jar, ni khen yipten nungi mesoang, pillow ka enokjang aser tzü marok ka agujang ta ashitsü akok. Aineri kodang na ne tembari na yariba ngudir, ne tembar ajungba angutsü aser pa asangtsü. Yisui ashi, ni nungi pila-a nenoki kecha meinyaktet. Paralysed nisungi tembarsang nüngdakba ama, asenok ajaki Yisu nüngdaker. Yisu nungi pilar asenoki kecha meinyaktet, asenok sasa tanela süngjang atangtsü makok. Koba kongsang tezü nung tangloka alir aser süngjang atanger yamaji Yisu dak tangloka ali nung dang asen taküm nung süngjang atangtsü akok.

Sarasadem

Temeim Oba, ni ne dak tangloker süngjang atanger taküm ka südakjangma. Amen