TSÜNGREMI SENZÜKA MEYUTSÜR – ANOGO SHIA YISU DEN(MTBA)

14/07/2020:

“Barley tsük tatak trok ya pai kü nem agütsü, kechiyong pai ashi, ne kinungpu tetsü dangi ne teka tazüng maotsüla.” Ruth 3:17

Mapang talangka lir Naomi aser lar kibong moab lima nungi Bethlehemi meyiba arudang alu ro-ya liasü. Makamait anungji tsükdok shimtsü asoshi Ruth takar alui ao aser lai tsükdok shitena bener aru, aser la kinungbo tetsü tena chiyunga-ajem. Kenü anogo Ruth kidangi meyiba aodang, Boazi la kinungpu tetsü dangi teka tazüng maotsü asoshi barley tsük tatak trok ataka bener yok. Iba temaotsü ngua Naomi kanga pela, kechiyong Boazi bener yokba tsük ajanga tarutsü anogotem asoshi temoatsü liasü. Saka Peteri ashi, “Ni taribi aser hon maka…, Nazaret nunger Yisu Khrista tenung nung jangang…, idangyongsa pa tetsüng aser tenüklangret tashi ita aküm” T. Mapa 3:6-7. Moatsütsü asoshi Tsüngremi Ruth nem Boaz ajurudaktsü. Iba ajanga Naomi tepetzük tia nungi jenjang tajungba aküm, Ruth tanaben kibong aküm aser senmanger moatsü. Iba kibong nungi Israel nunger Chuba menden nung amentsüsa jakzük. Tsüngremi moatsütsü asoshi asen taküm nem nisung palala ajurudaktsütsü, asen dangi arur ajak den sarasadema ajurdi.

Sarasadem

Yisu nai moatsütsü, aneptsutsü sentong tajung yanglur, kü taküm item ajak nung shilem tajung agitettsü yariangma. Amen