Press Release

Ao Kaketshir Mungdang (AKM) ajanga tawa Jio Point office, Mokokchung network majungba agi shibangja liasü. Saka Jio Company office ajanga tejangja kuli tezüluba nung agütsüba den network yanglushitsü tezüngzüktep agiba nung ajemdaker office tanaben lapoktsü. Saka, tezüngzüktep kübok renema ayuba anogo alema network tajungba küma meyanglushiba ajanga Mokokchung District nung aliba Jio Point office aser Jio Company dak sentakba kiojen ajak tanü 28th July, 2020 anogo nikongdang 3:00 ako nungi tenzüka network tajungba küma meyanglutsü tashi shibanga yutsür.

Maneni, nübur ajaki tangatetba tajung nung ajak ajangzüktsü asoshi amalitepa alitsü lemsateper.

Sd.

Nungdokyanger Ao

President

Sd.

Nekmi Longkumer

General Secretary

Date: 28-07-2020