Tsüngküm mongpu melentepa arudang, Ao kini yongyaba benjungmung koba Tsüngremmung tanüng jateta amunger, tesasatsüka taküm 2020 kümbo tepela amung ka ama mesüteti süidaktsütsü ya temulung agi metizükteti nemjema bilemer.

Saka Ao senso tajungtem, alima ajak amokmerena aruba wara ya ajangteterbo tarutsü anogo tajung asen dangi arua Ao kin mulung satoka Tsüngremmung benjung mungtetsüsa bener arujang, ta Ao Kaketshir Mungdang teimla aser sarasadem. Maneni, iba mapang alangzüktsü nübur ajaki asen teyanglur Tsüngrem dang asen Ao kin asoshi temoatsü aser tekümzükba meshia iba benjungmung mapang süidaktsüdi.

Tatemsa Aor ajak dangi Ao Kaketshir Mungdang ajanga Tsüngremmung salem tulu lemsateper. Tsüngremi asen Ao kin maneni moajang.

Kaketshir wadang nung,

Sd.                                                                                                                           

(NUNGDOKYANGER AO)                                                             

President                                                          

Sd.

(LONGPOZEM JAMIR)

Social & Culture  Secretary