Tongtibang sorkar department-tem aika amenoka aliba kiyong ka nung lenmang majungba ajanga nüburtem timtemba rerangteta, Marepkong Ward yimdeni ayonga Marepkong nüburtemi kiyong lenmang kanga mejungi raksar aliba tesemtem Aug 10 aser 11 anogo ananü yanglushia amungba mapang tangokba noksa nung angur. Iba maparen takok ngua inyaktettsüsa lokti aser kija shirnokisa rongsen aser nübu tenla agütsüogo, parnok ajak dang Marepkong Yimdeni pelaba metetdaktsü.