Oct. 2, 2020 anogo Ao Senden Federal Council mena Naga yimden solution keno nung item Resolution ya renem.
(i) Naga yimden solution keno dak sentakba nung taoba mapang lemtetbatem:
(a) Aug. 22, 2015 anogo Ato Kilonser NSCN/GPRN dangi Honourable and Acceptable solution atema takhangba agütsüba;
(b) Federal Council Sept. 24, 2019 anogo lemtet dak ajemdaker Naga kin 14 sanger lungjemer Political Group ajak den yimjung maparen inyaka arubatem nung shilem agia aruba;
(c) Dec. 5, 2019 anogo Naga yimden keno jembishinü nung Ao Senden mendenti aser Tzükong Trok Mungdang majangi kija aser lokti shingaia judang aita shilem magitsüba sangdongba;
(d) Sept. 14, 2020 anogo Naga Political keno nung Ao Senden majangi shilem agirtem atema tekümdangtsü sangdongba;
Item inyakyim ajak tanü Federal Council ajanga tanaben nenshia akangalongshia renemshir (re-affirm).
(ii) Naga nunger kin 14 lungjemer noktakba nung Ao Senden-ia tatem tashi shilem agitsü aser teti atema yimden bangdak ka latetra idakji shilem agitsü renem.
(iii) Ao Senden-i shilem agiba yimden keno nung telok mesüra kija shibai judang aitdir tapet mera agia merenshitsü.
(iv) Tanü tendak Naga yimden keno dak sentakba inyakyim aser jembishinü nung Ao kin lenir mesüra senso kar dak danga timtem atalokra Ao Senden-i tatem tashi bushitsü.
Sd.
Chubawati Longchar, President
Sd.
Imtipokyim, Secretary
The Nokinketer 