Amur Falcon

Mokokchung district kübok awashi memetetba nisung kari ‘Amur Falcons’ ozü akahba aser apuba osang district administration dangi osang aruogo. Amur Falcons ya Wildlife Protection Act 1972 kübok wazüka ayuba ozü lir, anungji, tachitsü atema mesüra tanga tim masüba nung iba ozü akahba, apuba, tepsetba mesüra ayokbaji ozüng anema lir aser iba nung aibelenerji küm 3 tepuokdak ayur mesüra senchi sen 25,000/- mesüra Wildlife Protection Act section 51 kübok anaprong jagi merenshitsü shia lir, ta Mokokchung D.C Limawabang Jamiri Oct 26, 2020 nü ozüng küma sangdongogo.

              Anungji, kija/telok kari danga Amur Falcon ozü tachitsü mesüra tim masüba nung akahba, apuba, tepsetba mesüra ayokba putetra, parnok anema tapet mera agitsü, ta Mokokchung DC-isa tekümdangtsü metetdaktsüogo.

              Mokokchung District kübok jila aser yimtsüng ajak nung maneni arem shiruru aser ozüsangnutem shikaritsü (hunting) khenyongi memelar, aibelenertem ozüngi melaba ama tapet merenshitsü, ta Mokokchung DC-isa metetdaktsü.