Nagaland Chief Secretary, asür Wb. Temjen Toy IAS nem akhüm aser tetushi agüja Ao Senden-i anir Watsü Mungdang aser Ao Kaketshir Mungdang (AKM) lenirtem Ao Senden office Mokokchung nung adenshia sarasadem sentong ka ayongzüka akaba mapang tangokba noksa nung angur. Asür Temjen Toy ama nübu tajung alima nungi anojungi pilaba asoshi tesasaba den asüri toktsür aoba kinungtsü den jala jabaso aser kinungertem den asükhu lemsatepba otem iba sentong nung adenertemi lemsatep. Ao Sendeni ayonga Ao kin rangben par kibong den taku marok ajemba tamaitsü 29th January, 2021 nü Ao litsü ajak nung Government & Private office aser school-tem, shishilembadak tesem ajak shibanger mang yima liasü. Mokokchung, JAN 29, 2021