5th Master Shield Trophy 2021 champion team Titans Club pur senpet agizüker külen pelatepba mapang tangokba noksa nung angur. Mokokchung, Feb 16, 2021

Mokokchung District T20 Cricket Federation (MDT20CF)-i Feb 8 nungi tenzüka yangi Imkongmeren Sports Complex Mokokchung nung ayongzükba 5 buba Master Shield Trophy taküm Titans Club-i champion benogo.

Feb 16 nü tesüsabuba (final) asaya Titans Club o yaküm champion Trebuchet na asayaba Titans-i run 64 agi Trebuchet madak takok tulu angu. Mezüng jenjang angur nem senpet jung (shield) den kuli kaket aser sen 40,000/- aser tanabuba jenjang angur nem kuli kaket den sen 20,000/- senpettsüogo. 

Nija senpet parnok yagi agizük; best wicket keeper – Mhachan Patton (Redback CC), best bowler – Babudeka (Trebuchet), Best Batsman – Daniel (Skylark), promising player – Imtinuksung (Sovran), man of the match final – Nehal (Titans, 62 runs in 39 balls not out), man of the series – Nehal (Titans) aser best discipline team – United XI Mongchen-i agizük. Taküm iba asayamung nung telok 10-i shilem agi.

Quarterfinal nungi tenzüka man of the match shima parnok ajak nem senpet kuli kaket den sen agütsü. Iba asayamung takok ngua ayongtettsüsa teyariteper aser senpet sponsor asür aser match patron aser shilem agir ajak dang MDT20CF lenirtemi pelaba lemsatepa liasü.

(Source: Tir Yimyim)