2nd Mkg Inter Ward Football Tournament tobur junga tenzükogo

Class 1 Contractor aser NDPP Active Member, Wb. Moatoshi Tzüdir-i 2^nd Mokokchung Inter Ward Football Tournament yangi Imkongmeren Sports Complex Mokokchung nung March 9 nü meraketa tenzüktsüogo. Iba asayamung ya taküm agi kümnabuba Marepkong Youth Association-i ayongzüka arur.

              Taküm iba asayamung nung Mokokchung town kübok Ward 16-i shilem agitsü lir. Shir Ward-i Champion bendir parnok nem senpet trophy den sen 50,000/- aser atongdakba runner up nem sen 30,000/- agütsütsü. Iba den ano jurila senpet kar shima agütsütsü tayongertem sentong lir.

              Iba asayamung lapoktsür Wb. Moatoshi-i mapang tatsüka agia jembidang, taküm nung tajungtiba anogo/mapangji balaka marutsü, mapa tulu inyaktsü atema mapang shitakji majurutsü, nai mapang tajungtibaji ataa lira ibaji kodanga mataloktsü. Nai mapangji ajangzüktsüla aser maongka tajungtibaji nai yanglutsüla, ta tayongzükba ka agütsü.

              Mokokchung Inter Ward Football Tournament ya 2019 küm tenzük saka 2020 küm alima ajungba lockdown denchiba ajanga iba asayamung mekatet. Mezüngbuba iba asayamung 2019 küm asayadang Arkong Ward-i champion bena lir aser Artang Ward tanabuba jenjang liasü.

March 9 nü asayamung tenzüka mezüng asaya Arkong Ward o Salangtem Ward na asayaba, Arkong-i goal 3-1 agi akok. Tanabuba asaya Dilong o Mongsenbai Ward na asayaba, goal 3-3 nung draw asü. Tasembuba nung Tongdentsuyong o Sungkomen na asayaba, Sungkomen-i goal 2-1 agi akok. Pezübuba nung Kumlong o Yimyu Ward na asayaba, Yimyu-i goal 2-0 agi koka liasü.

March 10 nü asayatem yamai alitsü:

1^st Match: Artang Ward Vs Majakong Ward @ 11:00 AM

2^nd Match: Aongza Ward Vs Sangtemla Ward @ 12:00 NOON

3^rd Match: Alempang Ward Vs Marepkong Ward @2:00 PM

4^th Match: Penli Ward Vs Lijaba Lijen @ 3:30 PM