Mokokchung District Badminton Association (MDBA) akhüm nung Soyim Shuttlers-i ayongba ‘Spring Badminton Championship’ March 17, 2021 aonung yangi Bapu Tzüpu Amphitheatre Ungma nung takok ngua tembangogo.
Iba asayamung nung asaya telemsa asem (3); Men’s doubles, 35+ Men’s doubles, 45+ men’s doubles liasü. Asaya telemsa balala nung telok 30 dak talii shilem agia liasü. Takok angur nem senpet kuli kaket den sen agi senpettsü.
Asayamung shibangba sentong nung tetushi tesemdanger Class 1 Contractor & NDPP Active Member, Moatoshi Tzüdir-i jembidang, sorkari lanurtem atema saisapong ajanga tapu jenti inyakba mapang ka lir, Ungma ama yimtisanger aser tejakleni renloka aoba yim kati centre o state sorkar na yongtsü nung ongdang aliba nungji apu lateptsür ka ama inyaktet, ibaji ajanga lanurtem tejangraba tongtettsü aser iba jagi Ao kin aser Naga nunger songjen tajangzük ngutettsü imlar, ta tayongzükba ka agütsü.
Takok angurtem yamai:
MEN’S DOUBLES –
Winner: Lanuaküm & Temjen
Runner up: Imomar & Imliaküm
35+ MEN’S DOUBLES:
Winner: Temsüyanger & Dr. Sashimatsüng
Runner up: Imomar & Imnayanger
45+ MEN’S DOUBLES:
Winner: S. Bendang Imchen & Temsüyanger
Runner up: Bendangnochet & Nokzentketba
The Nokinketer 