Covid-19 wara tensa tamajungba küma aoba dak sendakba nung All Ward Union Mokokchung Town Presidential Council emergency senden May 24, 2021 nung mena nüburtem ajaki meteta alitsü aser tekümdangtsü yamai sangdonger.

  1. Covid-19 pandemic wara tongpang rara ya arok khuret, anungji government/Medical department dak dang imlaa meli-i nisung shiai wara nungi jenbua alitsü asoshi shilem agitsüla aser government SOP (guideline) dak ajemdaker ward yimden ajanga koba temzüngtemsa agütsür, ibaji ajaki tashi anga-a amalitep alitsüla.
  2. Wara nungi nüburtem kümzüka/jenbua alitsü asoshi peipei ward sasep nung yimden/task force kümkümshia alitsüla aser tensa den apet tapet mera agia achaayanga inyaktsüla.
  3. Mapang ajak nung nebür ajaki face mask agitsüla ,mapang shia ward yimden/task force-i check asütsü aser tashi mangartem yimdeni tapet merenshitsü.
  4. Covid-19 positive asymptomatic case tem shirnoksa home isolation nung ki sealed süa lir, telatet anogo abensaka yimdeni tejangja osang ka magütsü tashi melapoktsüla.
  5. District Task Force ajanga dokantem kobasa mapang telatet nung lapoktsü melar, iba telatet mapang dak alia kecha ward nunga dokan lapoktsü memelar. Nüburtem ajak wara nungi kümzüka/jenbua alitsü asoshi kanga nüngdak mesüra kima yimdong nung mesenzütsüla.
  6. Tang teinyakdak kisü-jensü mapa inyakertem kiburi ayangertem (labour) aliba ward yimden nungi temelaba meshitsütsüla, iba temelaba mekai shinga senzütsü memelar.

Nübur ajaki iba covid-19 (pandemic) wara tongpang ya arok khuret/shilem ta angateta amalitepa yariteptsü mepeshir.

               Sd/-                                                        
   (LIMANUNGSANG)                              
        PRESIDENT                                     

              Sd/-
 (JONGPONGTEMJEN)
     GEN. SECRETARY