CTC Principal, Rev. Dr. A. Temjen Jamir-i CTC pur website lapokba sentong nung shilem agidang

Alima den jangyu medema Clark Theological College (CTC) Aolijen, Mokokchung indang website May 26, 2021 nü Rev. Dr. A. Temjen Jamir, CTC Principal ajanga lapoktsuogo, ta CTC sangdong ka ajanga metetdaktsü.

“Kodangsa asenoki mapa tajung ka inyakdir, ibaji Tsungrem sentsuwangshi asoshi lir ta shia Tebu, Techir aser Tanela Temeshi tenüng nung CTC faculty aser staff tsüngdang lapoktsü. Iba website ajanga CTC students, alumni, kija, kibong, arogotem aser nüburtem den CTC tenzükba mapa aser mangdang külemi lemsatepa inyaka aotsü tamang sarasadem lir, ta pai ashi.

Iba website lapokba den külemi Wi-Fi aser LAN connection inokba ajanga tarutsü nung CTC digital library küma amshitsü nükla lir.  Rev. Dr. A. Tali Ao, Academic Dean, sentong lenir liasü aser Dr. Nungshi Tzüdir-i bendanga agüja sarasadem. CTC osangtsüsang metetjemtsü asoshi iba website www.ctcnagaland.org.in semdangangma. 

(Courtesy: Lano Atsongchanger)