~ I. Neken Jamir, Mokokchung Town

Tsüngremer mangdang tesayuba kü mulungjang nung maneni jembi nung, ni sentsüh makatsü Aor atema, aser alima atema mangdang tesayubatem kuli asür.

2019 September nung alima ajak tzü tanak agi metsüngbang. Iba tzüma nung nisungtem asatepba nanung ola jagi alima ajak asüng. Tekümzükdak bushia nisungtem jenshiba timtemji tesüngmangtsüka tebang agi ashitsü mekoki sayua liasü. Yamaji tanüa alima ajak wara agi timatemer.

2019 December nung alima dangi wara 3 yokogo ta ashi. Aser January 2020 nungi Covid-19 tenzükogo.

16-08-2020 Aonung Khar tenem kolak ajak ya anensa sayu. Aor atema ya nungtuko tenem, Aor tongtibang lenir tokolak kar lendong ajurutsü ta counselor-tembo osang agiteba sarasadema aruogo, yamaji Aor rongnung tulutibai anir Arogo aser Govt. nung tenzükertem dak lendong ajurua arudaki.

16-11-2020 Aonung Aorsa alar teimtibaji kibong shia kaka katitsü aser iba senji tangaleni bener yoktsü ta ashi. Kibong shia nisung kaka leptok nung mesüra kibong shia temoatsü leptoktsü nung takoksa koteka asutsü, Aortem kanga shisadangdi aser Tsüngrem dangi meyipdi.

05-02-2021 Alima ajak ammang temelem agi nembang aser yipru tulu aru. Alima nung longro ki talang aika chireb, ki aika maka moapu aküm süngdonglidong ajak laoa angu, taküm alima ajak nung lendong tulu aika ataloktsü.

26-02-2021 Arogo nung full time tenzüker tenzüklatem dak aiatai lendong ataloktsü jakaji reprangang ta sayu. Karbo khu renema bener arua yangi asütsü ta sayua liasü. Aikadak ataloka arudaki ano ataloktsü kanga sarasademang.

28-02-2021 Ao lima ajak longbanga tenem süngdong ajak nung temenen army-tem tanak sobutsü tesa sobur bunker yanglua menogo. Temeneni kibong aika amaktsü lanurtem dak teimba inyaktsü.

03-03-2021 Alima nung wara taküm tesashiba alitsü. Iba wara tzümetsüng jagi Mokokchung town Ao lima moshia yimogo tasüba aika sayua liasü.

08-03-2021 Nisung 2 bo peisasa kasetogo, ano nisung 40 pistol agi kasettsü ta shiogo.

09-03-2021 Asen Mokokchung town nunga lendong tulu ajurutsü nisungtem moapu nung merepshia laoa sayua liasü.

05-06-2021 Mokokchung Town-i yokba light supply feeder ajak katir (shut down) tammang dang sayuogo. Mokokchung town atema kanga sarasademdi.

Yer. 2:27 nung ashiba lai oji Aortemi sen dang tebu ajar long dang nai ni poktetdaktsü ta ashir. Parnok tejak masü terongdong kü tsütsü shitsür, anungji ni Aor nungi temoatsü agiener. Na timtem mapang pa nem kümzükdakjang ta shiogo.

Aortem kija kibong shia, Arogo lokti ajak ku-kua jeba lumia Tsüngrem mebushira aiatai asütsü ta kuli agütsür.

Yer. 4:14- O Yirusalem, na kümzüktettsü asoshi ne mulungjang temenen nungi shitokang. Kopika ne tamajung tebilembatem ne dak munga alitsü?

Iba lai nung ashiba ama Aortem asen menen nangzuka Tsüngrem dangi odi ta ayongzüker.

***