~ Tsüknungchila Ozüküm (Osang zülur)

The world suffers not because of the violence bad people but because of the silence of the good people. – Napoleon

Yanglushidi Sensaksem Sabang (YSS) ajanga ayongba webinar, 30th July nung “Lokti Yanglushiba nung Lanur Shilem” onük nung o jembir asemi shilem agia liasü. Mezüng jembir, Ms. Centina Aier, lai “Mental Health and Church with emphasis on the youth” nung Mental health ya kechi aser mental illness indang kanga junga rajema shia liasü. Mr. Sentilong Ozükümi, lokti ka melenshitsü asoshi kija taküm, talisa lanur tama melenshia, yanglushiba den mapa meranga inyaktsü aser alima ainba den liromedema ainba ajanga koda lokti nung temelenshi bener arutsü item indang lemsatepa ajungshia liasü. Mr. Imna Zülu Jamir, lanurtem issues bener arua, experience nungi tajitetba tangazüktsü indang aika lemsatepa liasü.

Sensaksem nung lemsatepba onüktem tongmelang agi kar yamai

Asenok ya lokti nisung aser lokti nung alibatem (social beings); lokti kaji kodang nisung ka dak tali atenshir iba dangji ajar, aser kija shiaji lokti nung tongti shilem ka ka lir. Lokti ka junga yangertsü asoshi ajaki shilem agia khuret aser mapa lemsateper, saka tanü asen putu nung lokti majung, alima majung ta jembir aser aji yanglushitsü nungdak ta ajiteter. Süra ya shibai yanglustü? Lokti raksa aliba, mesüra junga dang aliba tajungba yanglushitsü nungji kija taküm shia teinyaktsü lir, saka lanur shilem tulu ka lir. Lanur ka pa/la shi, tekolok, tanela, shisatsü nung tashi ita ali nung dang itemji inyaktettsü (for a healthy change).

Telolok anema aliba (Mental health)

Mental health is a state of well- being in which the individual realizes his or her abilities, can cope with normal stresses of life, can work productively and fruitfully and is able to make contribution to the community.   – WHO

Mental illness: Mental illness are health conditions involving changes in emotions, thinking or behavior or a combination of these. They are associated with distress and/or problems functioning in work, social or family activities.

Mental Health Institute Singapore 2019 study ajanga ashiba agi lanurtem 18-34 years aika mental disorders experience asütsü risk lir ta sayur, aser ibaji ajanga lokti nung teraksa aika bener arutsütsü ta ashir.

Mental health issue Covid-19 wara tenzüker aika adoker aser age group balala yimya balala nung timatemba angutsü. Lanurtem rongnung Covid-19 wara tenzüker, achi ajemba nung (substance abuse issue) tali akümba angur. Mental health nung itemi angatettsüla:

  1. Mental issue nung anxiety, depression aser stress ya aikati ajangshir.
  2. Anxiety ya kechi ta süra, kecha matalokdang yongi tamajung ka ataloktsü ama shisa bulua bilemba lir.
  3. Functional normal anxiety: Iba anxiety ya asenok kümdanga alitsü asoshi tsübua bilemba.
  4. Dysfunctional Neurotic anxiety:  Iba anxiety ya kecha masü sür nung tsübuba aser iba jagi asenok tetsübu aser tatenden nung kecha meinyinkteti lidaktsür.
  5. Depression: Kanga tejashi nung dang aliba, aser iba ya tapu balala lir, Major depression, dysthymia, bipolar ta lemsa lir.

Mental illness yagi asenok physical, mental aser interpersonal effect asür.

Ano item dakji alaka tebilemtsü kaji “Shame” ya lir. Ibai kidang kibong nungi adoker, kibong nung temeim mapatem aliba, mesüra meimshiba, mesüra tsüraburi, talisa tangar chir den medemdangtepa tanurtem arrtsüba, pressure asüba, item nungi mental illness adoker. Ibaji ajanga lanur aika pei sasa tangar memeneber ta bilema lokti nungi atsüngzüka oadoker (low self esteem).

Arogo teinyaktsü

  1. Temeim sayutettsüla aser tesendaktep tajung akatsüla aser ajungshitsüla.
  2. Mental health indang awareness agütsütsü, aser metettsü asoshi lemang bushittsüla.
  3. Support group: kasa timtim alir telok ajungshitepba tenteter, kati ka yariteptsü lemang bushitsüla
  4. Network/task force: telok tenteta, counselling group amala ajanga teyaritep agütsütsü lemang bushitsüla.

Mental health issue ya asenoki aroka shisadanga, iba ya maksü ka, ama mesüi tim teyari lemang bushia yariteptsü nungdaker. Mental health tim masüba ajanga lanur aika teraksa lemang nung lir. Lanur mapangji tatsüka dang, teyakyak, tashi aitba mapang aser mapa aika inyaktettsüba mapang, saka mental health nung temulung magtsüba ajanga Naga lima nung lanur aika anti-social inyakba angur.  Anungji lokti yanglushiba nung kimong kaji mental health ya ta angatetdi.

Lanurji jungra asüng loktiji ajungtsü

Lokti yanglushiba nung lanur ka shilem mezüngbubaji pei sasa pei taküm melenshia yanglushibaji lir. Aser pei sasa nokdakteta, financial independent süa litettsüla.  Lanurtem aika degree lir saka temetetba mali, tanur asüdang nungi meranga azüngtsü aser Govt. mapa bushitsü dang sayu anungji Masters, Bachelors aser degree aika lir, Government mapa bushir, saka Governmenti ajak nem mapa magütsütettsü, saka tanga mapa kecha mashi aser private firms nung ita sen anguba agi temulung masür, mesüra skills mali nungji qualify masür. Tsürabur dak dang metaloker aliba lanurtem jenti lir.

North East nung unemployment rate nung Nagaland highest aser India nung second highest lir. Süra ya shiba tebilemtsü? Nagaland nung unemployment problem ya asen sasa yangluba problem ka lir. Naga nunger asoshi mapa mangudak state ka, saka tangar lenden lima nungi raktepa arutsü meranger aser yangi tangarbo pei jenjang ngua nokdakteter. Saka asen nüburtem mapa meinyakner, mesüra meinyakteter. Skills maliba lanurtem aika lir. Shishilemba mapa balala aika lir, saka temulung magütsür, mesüra meinyaknür. Mapang talangka meli, asenok Govt. dak metaloker jangratema aliba ya süitemtsü aser pei sasa taküm lia aotsü asoshi survival lemang bushiteptsü aser idangji asen lima alar tia-i aitsü lendong ana nung dang lir. Anungji tarütsü tia yanglushitsü asoshi lanur shia pei sasa züsenteta, nokdaktettsüsa, pei sempet pei akok mapa meranga inyaktsü angazüktsüla.

Lokti yanglushitsü atema tanabubaji lanurtemi politics nung shilem agitsüla. Politics ya asenoki temenen ama bilemer, saka politics ya asenoki menentsüba dang lir. Lanurtem aika mangdang tulu lir, alima yanglushitsü khuret bena alir jenti lir, saka shilem magir. Kechiba süra, tamalen nungi politics nung inyakertemi lokti atema masü saka pei yangko asoshi bilema inyakba agi lir. Süra politics-ji majunga ta sür dang tamajunger nemji dang doktsüra alimaji meyanglushitettsü. Anungji lanurtemi pei lima yanglushinüra, politics nung teka amoka ia, inyaka, ochi shia tangatetba tajung nung shilem agira, iba ajanga temelenshi bener arutettsü.

Tasembuba nung alima Information Technology kanga kara ainba den liromedema, asenoka update süa amshitetra IT ajanga, mapa tajung aika inyaktettsü koka lir. Alima nung shir Information technology nung tangar meneba lir, parnok karaa ainer, saka shiri tangar memenüber, parnokji doktsür. IT ajanga inyaktettsü mapatem kar yamai bilemer: Asen Ao oshi küm ishika nungbo samatsü asür, aser aji ana nung lir, tanü putu nung lanurtem aser tanur aika Ao oshi mashir adokdagi, aser iba ya-a lanur tebilemtsü lir. Kin ka wazüa ayubaji pei tetsü oshi ta ashir, süra asen tensaji reprangra Ao kin samaa aotsü ana nung lir ta ajiteter. Item ajak tebilemtsü asoshi IT update lira, coding meteter aser app develop asütsü meteta alirtemi, tongtepratepa Google translate amala den yaritepa oshi renloka aser wazüka ayutsüjia inyaktettsüsa lir. Health care nunga yamaji, application develop süa, tele medicine aser health consultation, agitettsüsa yanglutsü koka lir.

Lokti ka yanglushitsü/yanglushiba ya manger mesangwa dang madoker, saka mapang agir

Yanglushibaji kechi? Yanglushiba ta süra asenoki anasü nung angatettsü akok:

  1. Yanglushiba tetezü, raksaa aliba yanglushiba.
  2. Junga dang lir saka ano tali tajungba küma yanglushiba.

Social theorist, conflict theorist, parnoki ashibaji, tashiyimi, longkak aitba ajanga lokti melenshitsü merangba ajanga loktiji hapta mesüra ita tsüngda nung adoker.

Yanglushitsü/yanglushiba yimya (Approach)

Lokti ka melenshitsü asoshi iba loktiji telong nungi tema adoka melenshitsü nungdaker (inside out change). Lokti tema melenshiaka, iba lokti nung alirtem kijatemji memelenshira  tarutsü  nung loktiji majungtsüsa. Lokti yanglushiba nungji lanur ka shilem temetettsü aser teinyakatsü kar yamai:

  1. Inyakba nung tangatetba shitak (get the perspective right) akaba.

– Nai mapa inyakbaji koba tangatetba/mulungsentsü nung inyaker (attitude),

– Tangatetba ana lir, mezüngbubaji, Subjective attitude: Iba ya “ni”, “ozü” ta asüba tangatetba, tanabuba nung “Ni” asoshi masü saka “pei” (others) asoshi bilemba.

– Lokti ka melenshitsü asoshi mezüngbuba nükmenji lanur shia-i pei akaba, metetba, jagi lokti tajangzük asoshi koda amshitsü ta angatetba nungdaker.

  • Teindang lokti asoshi chichila taküm (authentic individual towards integrity in society)

– Chichila taküm kati, pai/lai inyakba, bilemba, amangba, taküm yimya nung marendaki shitak litteta sayutettba taküm.

– Teindang lokti kaji tamang katetba aser shitak inyakba lokti.

– Anungji asenok tamanger ka ama Lai tesayuba kechi shitak ta amanger aji marendaki liteta sayuba aser inyakba taküm asütsüla. Chichila masüba kijatemi teindang lokti ka meyanglutet.

  • Kechiba ta bilemba aser temelenshi asoshi shisadangba (critical thinking and clinical reasoning)

– Lokti yanglushitsü asoshi kechiba ta aroka shisadangba (critical thinking) ya tongtipang nükmen ka lir.

– Lokti ka terasksa adokba rongnung tulutiba kaji, kin-kidong, yimer yimsanger, tsükongsanger ta pu kümtepba koba dang “ism” ta ajar iba ya ka lir. Aser iba ism yagi lanurtem aroka shisadangba ya ajema kümdaktsür.

– Yanglushitsü asoshi shisadangba (clinical reasoning) ya amshidir, lokti timtem, tashimait angateter, aser iba ama shisadangba ajanga lokti rangben ajungtsü/ yanglushitsü asoshi telemtetba asa lendong ka dangi arutsür.

  • Mangdang aser nükjidong agi aniba (vision and goal oriented)

Tarutsü asoshi mangdang yur, iba nükjidongji tongtettsü atema asa lendong tapet yanglur ajaba taküm aser lokti nungdaker.

  • Telongtet telongi yiang (get into the circle)

Tema nungi yanglushiba jagi ken atema, saka lokti ka teti asoshi yanglushitsü atema (long term change), telongi yia teka amoka shisatsü benoka lemsaba nungi tenzüktsüla.

Lokti  nung temelenshi bener arutsü asoshi, asenok koba lokti  nung atener iba lokti nung tangtetba tajung, mulungsentsü temerük nung temelenshi aser tajangzük dak rangloker, teka amoka, iba lokti  nung tenra, temelenshi bener arutettsü.

  • Mapa inyakba angatetba tasen ka (new work ethics)

Naga lokti rongsen ketsüng nung temelenshi akatsü asoshi mapa inyakba tangatetba len asentenshi ka nungdaker. Aiben asenoki mapa inyakba  nung performing aspect nungi repranger aser nisung ka jenjang lateta doktsür. Saka kodang mapaji lokti tenzükba (service) aser nübur jenjang latettsüba masü ta angateta koba mapa südir süaka inyakdir, temelenshiji arulanglang.

  • Tsüngrem teyiongtsu südaktsüba taküm (God centred life)

Taküm nung Tsüngrem medenra, kotaker  shisatsü medenera ajak amajok asütsü, aser alima tatsüba nem kokdaktsütsü, anungji sarasadem aser Lai Oji asen sübotsü kümdaktsür, tatishitsü taküm ka alitsüla.

Otembang

Lokti yanglushitsü asoshi tebilemtsü aser teinyaktsü aika lir, saka mapa ajak nungi Tsüngrem shisatsü bushia, inyaktsüla.

“Ne mulung ajak agi Kibuba dak amangang aser na pei teshisadangba nung temulung lema teli”  Apijemtsü Shin 3: 5