Kaketshirtem online class agiba mapang internet junga maliba ajanga kaketshirtem timtem jenti ajuruba dak sentakba nung service providers den aiben network majungba indang jembitepa aruogo. Yamaji, Aug 6 nü Jio pur den külemi OKM ketdangsürtemi network kanga majungba tesem 6 tashi oa repranga liasü. Talisa light aoba den külemi network mejungi akümba tia reprangdanga generator aser battery-tem tekaraba nung inoktsü aser tower koba nung timtem lir, itemjia tekaratiba nung anepalua yanglushitsü asoshi jembitepa liasü, ta osang ajanga metetdaktsü. Mokokchung, August 6, 2021