Sept 18 nü Nagaland Bible College ketdangsürtem den tesayur aser staff-tem one-day retreat Metsüben Resort nung akadang shisalen sayur den külemi tangokba noksa nung angur. Mokokchung, 19th September, 2021 (Courtesy: Lima Lemtur NBC)

Nagaland Bible College Mokokchung ketdangsürtem den tesayur aser staff pur one-day retreat sentong ka Sept 18 nü Metsüben Resort nung takok ngua kaogo, ta NBC osang ka ajanga metetdaktsü.

Iba sentong nung shisalen sayurji; taoba Fazl Ali College Principal aser tang Watsü Mungdang tir; Arenla-i jembidang, tanü theological college mesüra holistic institutions-tem nung tongtibang teinyatsü kaji kaket shisashiba tsütsü (academic oriented) dang masü saka tanela (spiritual) nunga liru medema ora, item kaket rijutem nungi adokba tazüngertem aser tenzükertemji  tanü arogo, lokti, aser yimden balala asoshi tajangzük agütsütetba aser tagidak akaba tazüngertem asütsü, ta ashi.

Shisalen sayur ajangasa tesayur mapaji tamaren mapa, tesayur kaji role model ka, tesayur kaji linük yanglurtem aser tesayurtemji Tsüngremer yimli asoshi nungloktsüba mapa inyakertem kaka lir, ta asüba onük balala nungi shisa tarok lemsatepa liasü.