Nationalist Democratic Progressive Party Youth Organization Mokokchung Region-i Dr. Imkongliba Memorial District Hospital (IMDH) Mokokchung nung amshitsü atema Para Patient Monitor G.I Amigos kol ka tenla agütsüba mapang Mokokchung SDO (C) Temsuchuba densema IMDH M.S Dr. Limatula Aier den NDPP Mokokchung Region Youth Organization tir, Bendang Walling-i anir par külem ketdangpurtem noksa nung angur. Iba kol jenjang ya sen meyi roker dak tali lir. Iba ya Covid-19 agi shiranger atema dang masü saka tashitak tapu balala talisa operation agidak (O.T) kanga dang nungdakba oset ka lir, iba ya ajanga shirangertem aser anepalurtem lenmang aisü nung tajangzük angutsü imlar, ta Dr. Limatulai tetenlar dang kanga pelaba metetdaktsü. Mokokchung, 27th September, 2021