KABA Associate Pastor (W) Rev. Yashila Jamir-i Aor laishir kari onük balala nung ajemdaker züluba Ao kaket ana sayatsüdang tangokba noksa nung angur. Courtesy: Tiatoshi Longkumer Kohima  

Kohima Ao Baptist Arogo (KABA) Associate Pastor (W), Rev. Yashila Jamir-i 28th Sept 2021 anogo Kohima nung Ao kaket tasen ana sayatsüogo. Kaket anaji Yanglushidi Sabang Sensaksem (YSS) nungi molutetba onüktem bendener kaket küma adokba lir aser kaket ana ya Discipleship Bible College aser Programme for Theology and Cultures in Asia (PTCA) lungjemer menünga adoktsüba lir, ta osang ajanga metetdaktsü.

Mezüngbuba kaket tenüngji; Tanü Putu Khristan Tamang Lenisüba aser iba kaketji S. Wati & Wati Longchar nati edit asüba lir. Iba kaket nung ocet (articles) 21 Aor Laishir balalai züluba lir. Keta alibatem kar – Arogo, Temeshi Sabang aser Ainkar: Covid-19-i kechi ashir?; Khristan Tamang, Lokti Yanglushiba aser Laiputi Ratetyim;  Tanü Putu den apet Arogo Tenyaba Mapa;  Mopung Putu den apet Arogo Tenyaba Mapa;  Lenmang Mejungra Rongsen Renloktsü Makok; Yashi, Tanü, aser Asüng Ao Oshi Jenjang; Arogo aser Yimden nung Tetsür Temeten;  NBCC & ABAM Clean Election – Inyaka aruba nung Takok aser Tamakok, ano aika lir, ta osang ajangasa metetdaktsü.  

Tanabuba kaketji Yanglushidi Arung, YSS Vol. 2. Kaket ya Mapula Lemtor, Temsüwati Kichu aser Tiatoshi Longkümer par asemi edit asü aser iba kaket nung general editor-ji Wati Longchar lir. Iba kaket nung ocet (articles) 23 Aor Laishir balalai züluba angutsü. Keta aliba onük kar – Arogo Tenzükba nung Tebur-Tetsür;  Arogo Inyakyim aser Lenisüba; Co-pastors Inyakyim; Youth Director Tasenba Aruogo; Kü Pungmang: Ao Arogo Yimden Yimsüsüba Yanglushitsü Nungdaker;  Sen Aputepba Lokti Tebilemtsü aser Arogo Tangatetba; Nagaland Liquor Total Prohibition Act (NLTP Act): Takok asü Tamakok?;  Khristan Kibong nung Kilir koda Ayutsü;  Taküm lidaktsüba Tzü aser Rongsen-Ketsüng Terenlok; Ao Lima Eden Tsüki ama Kümdaktsüdi,  ano onük balala aika keta angutsü.

              Kaket ka jenjangji Rs. 250/- lir aser taginürtemi parnok den tongtepratep akok; Kohima Area – Tiatoshi Longkümer (9856587377), Dimapur Area – Rev. S. Wati (9612830935) aser Mokokchung atema – Rev. Temsüwati Kichu (7005761441), Tuli Area – Rev. Mapula Lemtor (9612313753), Impur nung – Arenla Longkümer (7005527600), Outside of Nagaland – Rev. Dr. Wati Longchar (9874184472).

*****