Task Force for Music and Arts (TaFMA) aser Mokokchung Events Management (MEM) na külemi lungjemer “Nagaland Guitar Festival 2021” ta sür guitar benjong tulu ka 22nd October, 2021 nü yangi Just A Venue Mokokchung nung ayongzüka lir. Iba atema tayongertem mazüngi renemshidaki.
Iba benjong nung live competition six string guitar contest ka alitsü aser iba nung takok angur nem senpet sen 40,000/- aser 20,000/- agütsütsü aser iba senpetji Naga Musicians Collective (NMC)-i sponsor asür, ta sentong ayongertemi metetdaktsü.
Iba benjong nung jangratemtsükaji; Nagaland nung nüngtugu guitar atemer, music school nung azünger aser tesayurtemi sentong nungji shilem agitsü. Iba den tesem balala nungi guitar dak sentakba osettsüset bener arua sayuba aser ayokba den nüngtugu guitarist-temi shisatokden agütsütsü aser parnok den sensaksemba mapang lapoktsütsü sentong renema lir.
Guitar tetoktepba nungji Nagaland tesem balala nungi nisung aika arua shilem agitsü imalr. Iba benjong ya anepdang 10:00 ako nungi tenzüka akatsü. Sentong nung Mokokchung Commissioner, Limawabang Jamir tetushi tesemdanger asütsü jaoka lir.
Iba benjong amungdang sorkari latettsüba SOP shitak benshitsü. Ibai Nagaland nung mezüngbuba asütsü aser iba show ya angati dang sayutsü, iba ama asenok dangi maongka aiben marutsü, anungji, ajak arua adentsü ayongzüker, ta tayongertemisa metetdaktsü.
Nisung kari danga iba benjong dak sentakba nung osang tejangja metetnüra, item mobile number – (9089740266/9862118137/8258858981) ajanga tayonger MEM tongtettsü.
Mokokchung Events Management (MEM) ya 2016 küm Squadron Band nung vocalist Longriwati Imchen-i tentetba lir. 2016 küm nungi MEM ajanga sentong (event) tapu balala ayonga arudar.
(Source: Tir Yimyim)
The Nokinketer 