India’s Best Dancer tetoktepba nung takok ngua atusang arishi küm 26 tain Sp. Meyitemsü Naga (achichi nungi tanabuba) nem Ao Kaketshir Mungdang (AKM)-i tenüngsang agütsüba sentong ka AKM office Mokokchung nung agiba mapang tangokba noksa nung angur. Pa ya temaba jenjang nung wild card ajanga aitsü lir, ta osang jangjaogo. AKM-i Ao kin, Naga nunger aser north-east India sanger ajak dang Meyitemsü Naga nungita yaritsü asoshi tayongzükba ka ayimoktsüogo. Meyitemsü Naga ya Chuchuyimlang nunger Mokokchung town nung alir Wb. Supongchuba’r jabaso lir. Taoba mapanga pai reality show sentong tulu aika nung shilem tajung agia lir aser Naga nunger rongnung lanur tsüngsanger tajung rongnung pa ya ka asütsü ta züngshir.  Mokokchung, 15th November, 2021