Ao Kaketshir Mungdang (AKM)-i 4 buba Nokdenlemba Open Volleyball Trophy sangküm 18th Jan nungi 20th Jan 2022 tashi Multi Sports Complex, Mokokchung nung asayatsü lemtetogo, ta AKM sangdong ka ajanga metetdaktsüogo.

Anungji, shilem agitsü jangraa alirtemi AKM office nungi registration form agizüktsü asoshi AKM-isa metetdaktsü.

Iba trophy shir teloki bendir parnok nem senpet sen lakh ka (Rs. 1, 00, 000/-), tanabuba jenjang nem meyi roker (Rs. 60,000/-) aser semi final tashi atonger nem meyi metsü-tsü (Rs. 20,000/- each) aser iba den jurila/kija senpet balala sempettsütsü renema lir, ta parnokisa sangdongogo.  

Telok kari danga iba asayamung dak sentakba nung osang tejangjaba metetnüra iba number – 9089245711/8731049595 nung tongteprateptsü asoshi parnokisa shisem.