Naga lima tangar menepa kümdaktsünera Clean Election akatsü tim ta angateta alimai kanga dang rongdaka aliba kaket Clean Election 20 December, Rev. Dr. Noklen Longkümer-i Ungma Laishir senden telungjem mapang Ungma nung sayago.
Iba kaket ya Aor takotet Advocate, Professor, Activist, Laishir putishir, Arogo nung tenzükertemi ocet aika dang Clean Election dak sentakba temelenshitsü shia angutsü. Item onüktem YSS seminar aser sensaksem sabang nung kanga dang aroka shisadanger, Nagaland state nung Clean Election katettsü atema State sorkar, Mungdang, loktet tentet balala, tat. agi AKM, Ao Senden, Watsü Mungdang, Yimtsüng putu/samen menchen, Arogo aser nütsüng shia teinyaktsü tejanga tetuyuba shia angutsü.
Iba kaket ajanga NBCC aser ABAM Clean Election yimyim aser maparen balala nung teyari aika angutsü imlar. Iba kaket nung lenirtemi tuyuba ama nüburtemi inyaktet nungbo Nagaland ya atangji Tsüngremi shimtetba lima ka ta alima dang kuli sütettsü. Rev. Dr. Wati Longchar (Waromung) lenizüba nung, Rev. Dr. Noklen Longkümer (Ungma), Rev. L. Lima Jamir (DABA), Mrs. Shilula Imchen (MTABA) iba kaket ya parnok asemi tephung kümtsüogo. Aor asoshi ibai temoatsü ama agizükdi aser mapa tajung atema parnok nem tenüngsang agütsür.
Iba kaket ya Ungma Baptist Arogo (UBA) aser Program for Theology and Cultures (PTCA) na lungjemer adoktsüogo. Iba kaket ya YSS Vol. 4 buba adok alitsü. Kaket taginertem item number nung tongteprateptsü metetdaktsür: Kohima area (9856587377), Mokokchung area (9436733883, 8787550893, 7005761441), Dimapur area (8132037717; 8131865765; 7005501457; Impur area (7005527600) aser Tuli area (9612313753).
The Nokinketer 