Mokokchung town nung ‘B.N Resto Foodies World’ ta sür restaurant tasen ka January 5, 2022 aonung Nagaland Housing & Mechanical (PWD) Minister, Tongpang Ozüküm-i meraketa lapoktsüogo. Mokokchung Town Baptist Arogo (MTBA) Pastor, Rev. Ponen Longchar-i iba restaurant meshiteta aser temoatsü meshia sarasademtsü.

               Foodie’s World ya 2014 küm Guwahati nung tenzük aser iba outlet lapokba ya zünga 8 buba lir, tang ya northeast state nung dang lir saka ibai India tesem ajaklen moraloka odaktsütsü nükjidong lir. Tanü Mokokchung nung lapokba outlet ya Nagaland nungbo mezüngbuba asütsü, ta Foodies World (Franchisor) General Manager, Saurav-i metetdaktsü.

Iba sentong nung Longkumer Enterprise Proprietor, M.B Longkumer-i tarur ajak pelaa agizükba den B.N Resto Foodies World Mokokchung tenzükba nükjidong lemsatep. Mokokchung Chamber of Commerce & Industry (MCCI) tir, Tsükti Longkumer-i Mokokchung shishilembaba tia balala indang asadanga tayongzükba o tulu bener arua tesentepertem ayongzük.

B.N Resto ya Longkumer Kilem top floor nungto lir aser yangi chiyungtsütemji; pizza, burger, fried chicken, pasta, noodles aser chiyungtsü tapu balala ajaki alia chitettsüsa jenjang balala indang angutsü. Yangi takdang pezü küma lemsar angutsü – fast food, dinning, coffee aser mocktail nungertem. Kari dang B.N Resto indang osang tejangja aginüra mesüra chiyungtsü order sünüra iba mobile number (+91-9362874200) nung tongteprateptsü akok.