4th Nokdenlemba Open Volleyball Trophy takoker Changtongya V/A den tongti tesemdanger DEO, Apong Jamir aser tayongertem külemi senpet agütsüba sentong agidang tangokba noksa nung angur. Mokokchung, 20th January, 2021 

Jan 18 nungi tenzüka Jan 20 anogo asemnü 4 buba Nokdenlemba Open Volleyball Trophy 2022 “One Team One Spirit” dak rangloker yangi Multi-Purpose Sports Complex, Mokokchung nung takok ngua asayaogo. Iba trophy ya Ao Kaketshir Mungdang (AKM)-i küm asem nung khen ayongzüka akar.

               Iba asayamung tesüsabuba Changtongya Volleyball Association (CVA) aser M.H-10 Kohima na asayaba CVA-i 25/27, 25/23, 24/26, 25/19 & 15/10 agi MH-10 madak takok ngua taküm parnoki iba asayamung marok benogo.

               Takoker champion team nem senpet trophy den certificate aser sen 100000 (lakh ka) aser atongdakba (runner-up) nem certificate den sen 60,000/- aser semifinal tashi atonger Kümlong Sporting Association ‘A’ aser Longsa Sports Association nema 20,000/- (each) agütsüogo.

               Nija senpet best spiker – Imliaküm (CVA Jersey No. 3), best setter – Sarilepzüng (CVA Jersey No. 2) aser most promising player – Temjensoba (Longsa S/A Jersey No. 3) parnoki agizük. Iba asayamung shibangba sentong nung District Education Officer, Apong Jamir tetushi tesemdanger liasü.