Mokokchung town kübok Artang aser Majakong Ward ajanga Dr. Imkongliba Memorial District Hospital (IMDH) leni aoba approach road kanga mejungi raksar aliba reprangteta iba lenmang anasa alir kiyong ana nungi temulungertem rongsen aser nübu tenlatepa gari lenmang yanglushitsüba mapang tangokba noksa nung angur. 2014 küm iba lenmang ya sorkari khen yanglutsü, iba sülen küm talangka kecha mesüi arur. Lenmang ya Mokokchung town nüburtem atema dang masü Tuensang, Zunheboto aser Wokha district nungi shirangertem mozü kidangi anir aruba tongti lenmang ka lir. Mokokchung 12th March, 2022