Spell Bee tetoktepba nung takoker par asem den sentong ketdangsürtem noksa nung angur. Mokokchung, 2nd May, 2022 (Nokinketer.com)   
  

Nagaland sorkar mapatong kübok Ao Senden aser Fazl Ali College (FAC) na külem sür “celebrating our roots” omen dak rangloker Moatsü benjong ka FAC campus nung takok ngua ayongzüka mungogo.

Iba benjong dak sentakloka Mokokchung district kübok school-tem rongnung Ao oshi nung “Spell Bee” tetoktepba sentong ka class 9-12 pur atema ayongzüka aka. Iba tetoktepba nung school 16 nungi kaketshir 32-i shilem agia liasü.

Tetokteba nung mezüng jenjangji Mayangnokcha GHSS nungi Class 12 (Science) azünger Kr. Atula W Mongro, tanabubaji Clark Memorial HSS nungi Class 10 azünger Sb. Lensen Ozukum aser tasembubaji Whetstone High School, Yimyu nungi Class 10 azünger Kr. Imsüsenla par asemi takok angu.

Takokertem nem kulikaket den senpet sen ₹ 5000/-, ₹ 3000/- aser ₹ 2000/- agütsü. Spell bee sentong nung ketdangsür aser tetendangertemji; FAC nung tesayur, Wt. Toshisangla, Tir Yimyim osangbener Wb. Sashimeren aser Ongpangkong Kaketshir Mungdang (OKM) tir, Sb. Limatongzük Jamir par asem liasü. Spell Bee ji Ao Senden Literature Board-i adokba Arok Osep nungi tetendangba agia liasü.