Mokokchung town inter-ward volleyball tournament takoker Sungkomen Ward den tetushi tesemdanger Minister, Metsübo Jamir noksa nung angur. Mokokchung, 15th August, 2022 (www.nokinketer.com)   

Mezüngbuba Mokokchung town inter-ward volleyball tournament Aug 11 nungi Aug 15 tashi Multi-Purpose Indoor Stadium, Mokokchung nung asaya mungogo. Iba asayamung ya Mokokchung district volleyball association (MDVA) akhüm nung Kumlong Sporting Association (KSA)-i ayongzük.

              Final match Sungkomen Ward o Artang Ward na asayaba Sungkomen-i straight sets – 25/19, 25/17, 25/17 agi Artang pur madak takok tulu ngua taküm iba asayamung marok parnoki benogo. Champion team nem sen 30,000/- aser runner up nem 20,000/- senpettsüogo. Iba asayamung shibangba sentong nung Nagaland RD Minister, Metsübo Jamir tetushi tesemdanger liasü.

Nija senpet Player of the tournament – Imlionen (Yimyu ward), Best Spiker – Merensashi (Sungkomen) aser Best Setter – Opanglangba (Sungkomen) par asemi agizük. Taküm iba asayamung nung ward 9-i shilem agi.

Semifinal match nung Sungkomen Ward-i Yimyu pur aser Artang Ward-i Kumlong Ward tsükdaktsü. Iba asayamung ya kümshi asayaba saisapong sentong ka südaktsütsü Kumlong Sporting Association nükjidong lir.

*****