Majakong Yimden-i sütsüba Anganwadi Centre ki ka MTBA Assoc. Pastor, Yanglu Pongen-i meshiteta lapoktsür külen sentong nung adenertem noksa nung angur. (www.nokinketer.com)

Sorkari sentong tapu balala atongaka yangji nüburtemi shilem magira ajakji amajok ta angateta, Majakong yimdeni Majakong Ward kübok kanga dang nungdakba Anganwadi Centre ki ka sütsü aser ibaji 26th Aug, 2022 nü Mokokchung Town Baptist Arogo Assoc. Pastor, Yanglu Pongen-i meshiteta sarasademer lapoktsüogo.

              Iba ki lapokba sentong nung social welfare department nungi Ongpangkong (N) CDPO Chubatola, DPO Talisangla aser Dr. Imkongliba Memorial District Hospital (IMDH) Medical Superintendent, Dr. Marina aser Majakong Ward Yimden Secretary, Sashimeren parnoki shilem agia liasü.

              Iba ama nüburtemi shilem agia Anganwadi Centre ki mejameja asübajibo aikabo mali. Anungji, Majakong yimdeni tatishitsü süa mapa tajung inyakba asoshi Social Welfare nungi arur ketdangsürtemi pelaba metetdaktsü.  

              Iba Anganwadi ki ya sorkar teyari kecha medeni Majakong ward sanger saru agi asü. Iba Centre ya IMDH litsü nung parnoki temelaba agütsür asüba lir.