Taküm MDFA 2022 football asayamung 11th Oct, 2022 nungi tenzüka Imkongmeren Sports Complex, Mokokchung nung asayatsü telemtetba agiogo, ta tanü Mokokchung District Football Association (MDFA) tir, Meyisanger Lemtur aser tongti zülur Supongwati Jamir nati sangdong ka ajanga metetdaktsüogo.

              Iba asayamung nung takoker nem senpet sen ajak meyokteper 3, 80, 000/- (three lakh eighty thousand) senpettsütsü. Ticket contract tender maparen atema tesüsabuba anogoji 15th Sept, 2022 asütsü, ta parnokisa metetdaktsü.

Tournament form, asayartem tenüng züluokba (player registration) aser tenangzükba mapatemji 15th Sept, 2022 nungi tenzüka inyaktsü aser form-ji 3 KIDS PHOTO HOUSE, Alongmen Ward, A.M Road Mokokchung nung angutsü aser form meyiptsütsü tesüsaba anogoji 3rd Oct, 2022 asütsü. Iba asayamung dak sentakba nung osang tejangja item mobile number – 9862636365/87875358245/8787535824 ajanga tongteprateptettsü, ta MDFA sangdong ajangasa metetdaktsü.

*****