MTABCM-i ayongba alcoholic recovery retreat sentong nung shilem agia adenertem. Mokokchung, 29th September, 2022 (www.nokinketer.com)
Shisalen sayur Dr. Moa Imsong. Mokokchung, 29th September, 2022

Mokokchung Town Ao Baptist Churches Mission (MTABCM)-i ayongzüka “chidiyungdiba nungi takok anguba” (victory over addiction) omen dak rangloker ‘alcoholic recovery retreat’ ta sür sentong tajung ka Sept 27&28 anogo ananü Yimyu Baptist Arogo tenla kidang katsüogo.  

Iba sentong nung arogo balala nungi parnok 170 shi aden. Iba sentong nung shisalen sayurji Dimapur Ao Baptist Arogo (DABA) nung Counselor, Dr. Moa Imsong liasü. Tzusapang Baptist Arogo, Pastor Rev. Supong aser Sungkomen Baptist Arogo Pastor Rev. O. Yashi nati Tsüngrem o lemsatep.

Yimyasübaba (addiction)-ji yi aser mozü kisüng masü saka addiction ji tapu aika lir, anungji, item nung jagi jenbua takoker taküm ka asütsü asoshi shisalen sayuri lenla balala nungi tesayuba jenti agüja liasü, ta iba sentong achayanger MTABCM nungi ketdangsür kati osangbenertem den jembidang lemsatep.   

“Iba sentong ya MTABCM-i kanga tapet ka ayongogo. Yangi adendang temoatsü jenti nguogo. Tarutsü nunga ibala mesükba sentong ya mapang shia aka nungbo kanga ajungtsü”, ta iba sentong nung adener kati iba osangbener den jembidang lemsatepa liasü.