Mokokchung, 11th Oct (TYO): Tetsür tanur (Girl Child) International Day amungba nüngtem nung Childline 1098, Mokokchung-i 11th Oct nü “online slam poetry” tetoktepba sentong ka ‘Our time is now, our rights, our future’ omen nung ajemdaker ayonga liasü.
Iba tetoktepba ya Higher Secondary aser College nung azüngertem asoshi liasü aser kaketshir 13-i iba sentong nungji shilem agia liasü, ta osang ka ajanga metetdaktsü.
Iba tetoktepba nung mezüng jenjangji Town Higher Secondary School Mokokchung nungi Class-11 – Arenmongba, N.I Jamir Higher Secondary School nungi Class 11 – Tiajungla aser Jubilee Memorial College nungi 5th Semester – Maongkala, parnoki mezüng, tanabuba aser tasembuba jenjang angu. Takokertem nem kulikaket den senpet sen agütsü.
*****
The Nokinketer 