Note Grid school of music Mokokchung branch pur takok angurtem nem tenüngsang agütsüba sentong ka 24th October, 2022 nü Mokokchung Urban Hub restaurant nung tobur junga agiogo.
Taküm iba riju nungi course balala nung parnok 26-i takok ngua liasü. Note Grid School of Music ya International Music Examination Board ana – Trinity College London aser Rock School UK nung züngoka/temelaba ngua lir. Takok angur par 26 rongnung 20 ji Rock School UK nungi aser tanüngba 6 ji Trinity College London nungi lir. Takok angur ajak nem kulikaket agütsüogo.
Tanü Note Grid School of Music nung takok angur guitar department nungi – Jongshiwapang (grade 3), Shisayanger (grade 1), Yangersüngla (grade 2), vocal department nungi – Sentiyala & Moamerenla (grade 5), drums department nungi – Rongpangnok (grade 3), piano department nungi – Putirenla, Liben & Ayala (grade 5) parnoki shilem agiba ajanga tesentepertem tzüratemdakja liasü.
Sentong nung Note Grid School of Music Mokokchung Branch nung Administrator, Senti Imchen menden liasü aser guitar department nungi tesayur Bendangaküm Kichu-i music tsütsü pai ajangshiba nungi tajungshi o kar lemsatep.
Asen state nung formal music education agütsütsü nükla nung Note Grid School of Music ya 2010 küm Longden Longkumer-i Feb 11, 2010 nü Dimapur nung tenzük aser Mokokchung branch ya 2021 küm lapok. Mokokchung branch lapoker takoker nem tenüngsang agütsüba sentong ya tanü mezüngbuba agir.
Note Grid School of Music nung item course-tem agütsür- Classical guitar, Piano, violin, voice, children’s choir, electric guitar, acoustic guitar, drums, theory, choir conducting, composition (solo & band), session recording skill course, live sound operation, recording arts/sound recording, music production (editing, mixing & mastering). Tejangrartemi iba mobile number – 7640813729/7628856525 nung tongtepratepa osang tejangja agitsü akok.
*****
The Nokinketer 