Azolla(mosquito fern, duckweed fern, fairy moss, water fern) ta pulua ajar, item metsü  viz.Azollacristata (mapang talangka iba amai jaa liasü, A. Caroliniana), A. filiculoides Lam., A. mexicana C.Presl., A. microphyllaKaulf., A. niloticaDecne. ex Mett. And A. Pinnata R. Br.

Azolla ya tzü nung aliba asang ama ka koba tedong  tatsü,kongsang tena tongpen tzü nung pongdaka lir aser tera tzü telung nung sangzüa lir . Tuji tesem ajak len shia lir. Tedong tasazük/telonglong ya Azollapinnata amala nung cm1-2.5 tashi alir aser Azollanilotica ali nung 15 cm aser tema alir. Azolla dong ya  tasazükji kinük asem (triangular)  mesüra kinük (polygonal) aika alir aser ibai tzüma nung kisüng mesüra tejok ama külemi lemdaka alir. Parnok tereprangtsüji amakamaker aser meremsotor ama lir. Ajak agi Azollanilotica ajanga dang temerem sentsü anthocyaninji madokdaktsür.

Azolla ajanga tajangzüktem

  • Tazüokba nung mesüra pa liro agi mela mela tsünütsü akoker.
  • Meiwa, metsüwa aser Rabi mapang ali temo peria agütsür.
  • Mool tajung adoktsür aser iba ya ali nung prokba ajanga carbon aser nitrogen bendenloktsür.
  • Tera jungdaktsür aser ali oxygen bendenloktsüba ajanga   ali junga kümdaktsür.
  • P, Zn amala aika kümdaktsür aser tsük lu nung ai adokba nokdanger.
  • Azolla ajanga mo dong aintsü atema vitamin agütsür aser indaktsüba nung yarir.
  • Azolla ajanga tsük lu ali nung nitrogen timba agi kg 25 nungi 30 Nhs-1 yr-1 tashi agütsür.

Azolla dak keta aliba yimya tajungtibaji nitrogen-fixing blue-green algae (cyanobacterium)  Anabaena azollae den tesendaktep alibaji lir. Mangra ajanga nutrients agütsür aser anabaena nunger aliba nung tu kümzüka alitsü atema asazüka aliba nitrojen den melenteba teyari agütsür aser tanga tsünütsütem aintsü nung yarir.

Ainba Tia/Jenjang

  • Tropical nungi talem aliba sub-tropical region.
  • Nalla, tzübu aser ali tayi nung .
  • Azollaji akhümbok  aliba tesem nung junga ainer (30 to 50% tesangwa nüngdaker).
  • Ishiba agi tzü inch 5 pu sa nüngdaker
  • Nüngdakba temteratureji 0C 20 nungi 30 lir . Iba dak nungi talila temperature tatsük nungbo junga mainer. cristata ajanga asükwa tzü temperature 5 °C, aser lemiwa tzü 25–30 °C nung litetter.
  • Tzü jenjang pHji  4.5 nungi 7.0 aser mopung jenjangji 80 nungi 90%.
  • Azolla mool/biomass adokbaji ha shia nung 15 nungi 35 t (fresh wt.) aser 2.5  nungi 3.0 t (dry biomass) ha-1.

Tenem lu asoshi AZOLLA

1. A. pinnata lenden aser wapet tesem asoshi.

2. A. cristata (caroliniana ta ajar) wapetsa nungi tenemti alu asoshi.

Itemi tzülo tsük lu nung junga meyidaktsüteter. Tenem tsüngda nung azolla tsünütsü asoshi tzübo yanglutsü akok aser azolla compost yanglutsü asoshi mool tasen aser tanga tsünüsempongtsü meyoktepa amshitsü akok. Azolla tasenji an aser nashi asoshi chiyongtsü tajung lir. 

AZOLLA junga madokba  mapang

Mei mapang temperature (> 35 0C), kanga temokong (below 150C), tzü akongba mapang, mopung talem mali, tzüpo aser tzüto nung nutrient maliba mapang.

P maliba tzü nung azolla sentsü tarak keta adokbaji jungrara masü.

Aluyimba lenla nungi reprangra azolla nung sentsü tarak keta alibaji jungrara masü kechiyong iba yagi tzü mopung nung nitrogen adokdaktsüba aser ainba jenjang ajemdaktsür.

AZOLLA nung Green manure

  • Mo meyok tsüngta  azolla inoculum ha 1 nung  @ 100  tzülo nungji perokang. azolla yakta aintsü atema, super-phosphate / mesüra rock phosphate[1] /mesüra bone meal @ 10.0 kg ha-1 inoktsütsü akok.
  • Alu nung tzü tarokji cm 10 po yangluang.
  • Tzü mopung shitak alidak azolla yagi hopta 3 tsüngda nung tzüma nung pakdi amai meidaka adoktsü.
  • Iba mapang nung tzüji mesüdoktsü aser ali tusaba mapang azollaji yamaji dang doktsütsüla iba sülen tzünütsüji remshitsü.
  • Tensa den apet tsük arubaji noklak nung 20 nungi 40% tashi timba rutentsü akok. 

RICE-AZOLLA KüLEMI TsüNüBA

  • Mo atsüshia temer  hopta ka lir külen azolla inoculum tasenji ha-1 @ nung @ 100 kg yoktsüla. Alu tiyong nungji tzü cm 10 atsüngdak ayutsüla.
  • Azollaji mo den külemi indaktsütsüla. Asazüka  aliba ama alu nung rock-phosphateji @20 kg P2O5 ha-1 nung yoktsüla.
  • Ai indokba mapang hopta 3 lir külen azollaji ali nung proktsüla.
  • Anünga aliba azollatemji alu nung meyiloka oya alidang tanabuba ai indokba mapang meyokteptsüla.

[1]Application of any chemical source of inputs are not recommended by FAO

AZZOLA TEIMBA KüMDAKTSüBA

Ongken/tzüpu tekolak nung 1.5cm aser tarok 0.2m aser lendenji pi nükdakba ama yanglutsüla. Tzüpu telung nung mica lema inokbaji temalen 10 cmpo atua nokdaka imoktsüla. Kodang ponglang tasazük  2.5m x 1.5 mji renemdir, tzü langpang nungji arem li tanak kg 15 shi jungjunga inoktsütsüla,  koba ajanga azolla dong nem nutrient agütsütsü. Ngura Nashi scü takong mesüra süngolio shizükbaji tzü nung kg 5 tashi meyokteptsüla, Koba ajanga azolla nem carbon agütsür. Azolla langpang nungji rock phosphate 30g tashi inoktsü akok. Ongken langpang nungi 10cm tashi teti alitsü atema tzü inoka alitsüla. Azolla tasenji 300g tashi ongken nungji inokang aser hopta 3 sülen po azolla bendena agitettsüsa ongkenji sünga akümtsü. Bendenba shiaji ongken nung aliba tzüji melentsüla. Ongken ka nung timba agi azollaji asemben tashi tsünütettsü akok. Iba sülenbo ongkenji melentsüsa akümtsü.

Download