Palinga ayutsü atema shimteta aliba pot– tera adokdaktsüba pot
- Teti amshia aruba metsü yokba yimya dang nungi balaka inyaker.
- Teti amshia aruba metsü yokba pot dang nungi tilaba aser talangba.
- Ponglanglenji teki tulu lir aser khen khenbo tabokji tezülen alir, iba ajangaji tsünütsü tera tabok nungjagi temalen adoka ainer.
- Ponglanglen aser tezülen ajak nungji tapok tilala baa lir.
Tera aludaktsütsü atema pot amshi tajangzük
- Iba ajanga teraji pot ajak sünga menayipangdaktsüi telongleni yanga ludaktsür.
- Air pruning mapa tera nung inyaktsüla.
- Pot temaleni adoka aliba teraji melamela akonger aser jetzüka tsüker, metsü tejang nungjagi teraji adokdaktsütsü merangang ajita süra tera nunger alangdoktsü menüngdaker.
- Tera aludaktsütsü atema amshiba pot ajanga metsüjang indang teraji tetenzük nungi shitak nung indaktsür, iba ajanga tera alu tenzükdang teraji talang aser indang indanga adokdaktsür.
- Teti amshi aruba metsü yokba pot koba nung tabok maket lir iba nung yokba metsü dang nungi metsüjang pot nung tabokpar alidak tera aludaktsübaji temshidang tajungba ainer.
Tera aludaktsütsü atema pot amshiba ajanga teraksa agütsüba
- Kanga junga anepalutsü nüngdaker.
- Tzü aika nüngdak anungji anogoshia tzü agütsütsüla.
- Iba pot ya ali mesüra tesem temerang nung amendaka mayutsüla, tatishitsü agi süng amala nung amendaka ayuba tesem temerang asüba ajangaji tera sadema meindaktsür aser mopung aiba nungi soiter.
Tsünütsü tera aludaktsütsü atema shisa aotsü akokba osettem amshiba
- Tsünütsütem eindaktsütsü atema temeküt nung anguba osettem, süngkum, narigol (coconuts), süng, monü, menti amala nunger agi yangluba pongdang amshitsü.
- Iba shisa aoba osettem nung tsünüba ajanga tsünütsü tanaben temshidang marakzüdaktsüidang tanemi yimsa aoba osettemji dener dang atemtsü akok.
- Yimsa aotsü akokba osettem agi yangluba pongdang yangludang tapok baa aliba nungji tsünütsü teratem temai adoker, plastic pongdang nung inok nungbo teratemji tangu mao junga meinteder.
- Iba amshiba ajanga telung nungji mopung peria yiteter koba plastic pongdang nung tapok baa aliyonga mopung peria mangur.
Temetettsü: Nüngdakbapuri Print Out sünüra yangi MS Word form nung upload sütsür:
The Nokinketer 