(during pregnancy)

  • Techanu abenba mapangji anogo 114 (Ita 3 hapta 3 aser anogo 3) tashi lir.
  • Nomenden nung techanu aiendang kanga yira mekumdaktsutsula.
  • Techanu mopotsü mapang nung dang Ak tetsu nem chiyungtsu tabensa (vitamin) aketba agutustsula eg: menti aser songolio tem.
  • Ak tetsu nemji ali ajungli aser sungolio tera(roots) tena aliba agutsutsula aser tetsuti ji Ak telok nungi pilar palaka chiyungdaktsua nungdakba ajak peritsutsula.
  • Techanu mepozüker Ak tetsu ji satemsatema aliba takdang ka nung monu/bosta ma nung mejangdakjang.
  • Techanu mopotsu ita ka lia tetsu nem mesen mozu chidaktsutsula.
  • Ak dak atsuk aliba temji tepsettsu atema mozu butox 0.05%, 1% solution of malathion/cythion, itemya tzü nung meyokteper ak temangji shidoktsutsula.
  • Ak moputsu hapta ka jilia Ak kiji jung junga shidoka ayutsula.
  • Ak meputsu Hapta ka lia  2% phenyl lotion agi Ak kiji shidoktsu aser Ak kiji tazung hapta ka ayu tsula.

Tesep asὓba mapang (Ak mepuba)

Ak meputsὓ mapang nung tajitettsὓ yimya kar:- gonda 24 jilia Ak tetsὓ tip matem kὓma tesup yanglutsu tenzuker. Mamajang nung ajetdang mamatzu ayimtsu aser gonda 1-2 lia oset nungi azu ayimtsu tenzukba tetsungta mapang nungji sungotu sentsu mesὓka alura iba mapang nung jaki tenzüka  gonda ka tsungta techanu mepotsu tenzuker, iba mapang nung la tepok nung meimshia mejanga anisungzuktakja mopotsu sendong yanglutsula.

Pasasa mepuba yimya

Yimya agi pasasa mepuba mapang nung teyari menendaker, kodang mezung ak chanu ka alutsu tenzukedir tanungbatem kera kera dang mepua atemer. Techanu mepuba mapang ji gonda 2 nungi 3 tashi nung atemtsula. Tepelazu pasasatang tokdang takjang, aser mepuzukli ji tetsu mama bushitsu tenzuker aser kodang tepelazu nungi azu alutir  tepela zu ji alena yujang.

Kodang aser koda techanu mepudang yaritsὓ

Mapang tatakzὓk nung techanu memepui kuma tesὓlen tetzὓng ana arakzua  minute 45 shinungang mezung chanu mepuer külen tanapuba chanu malui kumra asenoki tetsὓji chiyongtsu talem aguja yaritsula . Ak tetsu indang osetji shitokang aser nü taka ji kanga junga shitoker totsu (olive oil) mezüang aser takaji toer techanu ji agizukang ajimasu nunga hand glove lira aji amshi tajungba. Techanu tapang nung aliba chanaji shidokjang aser kar techanu tangoh mesashiteti kumra ak chanu shia arutsü atema mashijang  . techanu meraka kümdaktsür kelen tetsu mama anasa jeloka yujang.

Ak chanu mepuzὓkli  asameyanga  anepaluba:

Minute ishika tsὓngda nung ak chanu ji su aki merük merüka shitoktsutsula aser tepela zu ji mejepdang 5cm talang yuang. Tepela nungji mayangtsü aser tetanus makümtsü atema iodine mozü nulokjang. ak chanu temji minute 30 tsungda nung mama ayonger mayonger metetsula . Ak chanu kar mamatsu ayongtsὓ tashi melira yaria jemdakjang. Mezungpuba mamatsu (clostrum) ajemtsuji kanga nungdak. mepozukliji iba ajanga tashidak jenti nungi kumzuker aji sur ak chanutemji takdang palaka nung yuang, takdang ji talem yutsutsula aji asu nungang techanu temji junga mejanga aotsu. Anogo ana nu(two days) atema tang lirbo colostrums-i agutsüba  tembangatoker. Ak tetsu mamatsu agi ajema kumrah nashi/ san/ napong mamatsu mesura tanga chiyungtsu nung tanang inoka aliba amala agutsutsu akok.

Ak tetsü nokdangba yimya:- Noksa (figure) nung agütsüa aliba amaji tetsüji nokdanga yur techanuji mama yongdaktsütsüla, yamaji asu nung dang techanuji tetsü nungi yirutsu aliba nungi kumzuktsü.

Tezupadipa aser oset ayika menungdaki teti yangluba yimya nung G.I. pipe 2 inch tepolong (diameter) amshia jara tezü külong ali nungi inch 10 pilar G.I. pipe -ji   6-7 inch ajungketa takdang küma yujang.  Ak chanuji takdang nungji mejangdakjang aji asü nung dang tetsüti –i mejangdang techanu dak manentsu.

Kumzuka ayuba takdang(creep box):- Iba takdang ya Ak ki tezulen tetsu nungi pilar takdang ka yanglutsula koba takdang nung kumzüka kazütsu akok aser chiyongtsü chidaktsütsü  tenzuk dak asütsüla. Iba takdang ya 30˚C tashi nung lema yutsütsüla, iba atema light bulb 100w x 2 or heater yütsütsüla.

Tepu techira/ tepu taju:- azütebu(canine teeth)  pezu kanga techira lir,azüklen an aser alilen ana lir  koba agi  tetsu mama jang yurutsur . iba tebu agi tetsü mama yirotsüba  ajanga tetsui mamatsu meyongdaktsur, iba ajanga techanu tem kanga kongra akumer anungji tebo techira ji mejeptoktsutsula.

Techanu bentsὓtang (feeding) tetsὓ koda anepalutsὓ yimya kar

Ak chanu mepuzukli nungi parnok ita ana majung tashi.
Day 1Techanu mepozuker kulen tepela zupu nung iodine solution nutsutsu aser tetsu mama mesüra colostrums ji yongdaktsutsula.
Day 2Techanu shia ji tepu techira alir aser item tepu techira temji endoktsu atema temejeptsu agi mejepang.
Day 3Techanu nemji T. B tonme (iron capsule) ya tsu 4ml nung meyokteper ak chanu ana nem lemsa-a tepang nung enoka jemdakjang.
Day 7-10Ak tepung yangluba aser tepen alangba mapang.
Day 14Ak tetsuji vaccine makutsu lira techanu nemji CSF vaccine agutsutsula.
Day 15Iba anogo nungi techanu nem chi chiyongdaktsutsu tenzuktsula.
3 weeksAk tetsu nemji FMD vaccine magutsui lira iba mapang ya techanu nem FMDji agujang.
7-9 weeksAk tetsu aser techanu na pilaba mapang nungji ak metsur kiburi shisaka inyakba agi dang akoktsu .iba mama nungi  bilaba mapangji chiyungtsü tajung agütsütsüla saka tali magatsütsüla. FMD vaccine tetsü agia toker aliyungbo techanunem a agütsütsüla.
8 weeksIta ana shis Mesen samatsu mozü agutsutsula aser tetsu nem jia CSF vaccine agutsur aliba tetsu suaka tejanu nem ji a CSF vaccine agutsutsula.