Tashi kümerang züsenbaji tajungba

  • Züsenba mapang tashi kümer aliba ajanga süngjalijang rizünga ayutsü atema tajungba
  • Süngjang tashi maküm lanuji raksatsü melamelar aser yakta raksar aser ibaji amendang tachitsü majung
  • Tera talila amenba süngjangji ongzükli jebrajebra/anük anüka alir aser agizüker tatsüka dang lirbo  tachitsü jungrara masür.
  • Süngjang tali kara mesüra menur agizükba temji agizüka ayudang mapang shitak nung ongzükba süngjang dang nungi tama raksar.

Süngjanglijang telok balala telemsa – Mezüng telok (Group 1):  süngdong nungi agizüker/ongzüker külen amentsü makokbatem.

Group 2: Tashi kümer onzüker külen mendaktsütsü akokba süngjanglijangtem.

Group 1Group 2
CarambolaCherriesCitrusGrapeLitchiLoquatOlivePineapplePomegranateStrawberryAppleApricotAvocadoBananaBerCherimoyaFigGuavaKiwifruitMangoMelonsPapayaPassion fruitPearPeachPersimmonPlumTomatoSapota

Aonsotsü züsenba yimyatem –

  • Züsenba yimya (takabu vs machine amshiba) ibaya ajanga alu nungi süngjanglijang  rozükli/züsenli süngjang ajung majung meteter
  • Machine agi züsenba mapang süngjang raksaa alibatem, tarak keta alibatemji tanga süngjangtem raksadaktsüba nungi kümzüktsü atema junga anepalutsüla.  
  • Naro, süngjanglijang aser aonsotsütem nisungi ongzükba/agizübaji ajak dang tajungba. Sakasa tera nungi adokba aonsotsütem (carrot, peyas, alo, aser tsümashi) aser ano danga rizünga ayuba chiyungtsütem adoktaktsütsü atema ( pingana, mesü plum), aser tejang adokba (nut crops) tsünütsütem tarutsü atema rizünga ayutsü atema itemji machine amshia züsentsü akok aser ibaji agizükli tarutsü atema rizünga ayutsü kanga junga anepalutsüla.

Süngjanglijang aser aonsotsü sempbanga aser sepa ayuba

  • Tsünütetbaji shishilembadak ayoktsü atema sempbanga  yanglua inyaktsü atema alu nung mesüra item sepsa inyakba ki nung anepalutsüla.
  • Iba nungya merükmejuba, merüktetba tena lir aser oset tajung tamajung aser tasazük kobataka iba nung ajemdaker tadongi ayutsü, kechi nung aseptsür iba nungji chiyungtsüji seper külen jung junga menateptsü.
  • Aonsotsütem Sepbanga ayuba ajanga shishilembaba mapang belenshidang aser machine ajanga raksatsüba nungi kümzüker.  
  • kaket agi yangluba tesepbangtsütem (Corrugated fibreboard) pongtangtemji sepbanga ayutsü atema kanga bulua amshir, aji oda tanaben amshitsü akokba plastic pongdangtema iba atema amshir.
  • Sepbanga ayutsü atema amshiba osettem, auso, maroktem alepbangba, atsüdangtsü atema amshiba (liners)  tzü kongdaktsütsü atema amshiba oset (pads) itemji sepbanga ayuba pongdang nung inokdang atsüatsüka akümba nungi kümzüktsü atema, chemical treatment aser ethylene metetsü/agitsü atema yarir.

Tatsük talem asadangba

  • Züsenteta aliba junga ayutsü mesüra mejongi kümdaktsütsü atema tatsük talemji kanga  tongtibang lir.
  • Yakta raksaba chiyungtsütem meraksai kümzüka ayutsü atema temperatureji 0 °C lir.

Yakta raksaba chiyungtsütem mejungi kümdaktsübaji  tzü mopung nung 10 °C teyimba aküm shia  anasü mesüra asemsü  raksar.

Temetettsü: Nüngdakbapuri Print Out sünüra yangi MS Word form nung upload sütsür:

horti-post-harvest-managementDownload