Persimmonis ya china nungi adokba süngjang ka lir. Subtropical, tera temokong mapang aser kanga tatsük masü temperature 16 nungi 22oC tsüngda nung junga ainer. Nagaland nung aser north Eastern linüktem nung Persimmon ya tenem tesemtem nung ajunger.
Süngjang tapu balalatem
Aluyimertemi pulua amshiba süngjang tanangtemji(astringent cultivars), Hachiya, Eureka, Honan Red, Saijo, Tamopan, Tanennashi aser Triumph.
Aluyimertemi tsünüba nanglak naglaker alibatemji (non-astringent) Fuyu, Gosho, Imoto, Izu, Jiro, Maekawajiro, Okugosho aser Suruga.
METSÜ ADOKTAKTSÜBA
Metsü adoktaktsütsü atema pulua amshibaji kashi yanglubaya (grafting) lir. Amlook indang tejang tashi, Indian Persimmontem tera aludaktsütsü atema amshir.
Metsüjangji tera sadema alutsü atema poly bag inch 6 nungi 8 tashi talang aser tulu nung atemtsüla.
ALU TIYONG NUNG TETSüNGTA YANGLUBA
Ajak külemi lenden tesem nung tsünüdang tetsüngda tasazük 4m X 4m mesüra 6m X 6m asütsüla. Tenem aliba tesem nungbo tabakong ama yanglutsü akok.
ATEMTSü ATEMA ONGKEN ATUBA
Süngdong atemtsü atema ongkenji tera alua alibaji shitak aitsü atema tarok asütsüla. Teti agia ongken tasazükji 1m x 1m x 1m atutsüla, süngdong atemtsü atema tabakong aliba mesüra square shia tetsüngdaji 6m asütsüla. Luchii- Aenjeti (December-January) tsüngda nung metsüjangji ongken tua aliba tiyongtsü nungji yoktsüla .
KONGSANG TAMAJUNG INDOKBA
Süngdongji atembang mapang feet 2.3- 3 tashi talang alibatem atemtsü mapang tera kolom ajentsü akok. Persimmon süngdong atema tera tera indoker (Open vase system) atemba tapetba. Persimmons süngdong kolom ajentsü atema mapang tajungtibaji tsüngküm tatemlen mesüra metsümapang tetenzüklen lir.
ALI TEMO AGÜTSüBA/INOKTSŪBA
Tsünüba tedenzükdang Küm asem mesüra pezü tashi, tasazük (acre) ajak nung küm shia FYM tons pezü (4) December ita nung inoktsütsüla. Ali temoji cm 20 nungi 30 tashi tarok nung aser lenden tasazük cm 30 tashi nung inoktsüla. Kodang süngdong nung süngjang atang tenzükdir, ali tasazük (acre) shia FYM ton 8 küm ka lir tanabuba kümji inoktsüli ta asütsüla. Küm ka lir külen Nitrogen 5%, Phosphorous 10% aser Potassium 5% inoktsütsüla. Metsü mapang Süngdong shia @ 500 grams inoktsüba ajanga tajungba adangtsü. Mozüji (fertilizer) tiyongi sadanger (50-50) metsü mapang aser chiteni (july) ita nung küm shia inoktsütsüla. Ajidasüaka mozü balala agi yangluba mozü/mool meinoktsüba tajungba.
TZüLENDO
Hopta asem shia ali anüka alitsü atema tzülendo minutes 10 yoktsüla. Aser mei mapang aser metsü mapang nung ita shia ali temo talila inoktsütsüla.
Tsünüsembongtsü ka dang nungi talila tsünüba
Süngdong temer külen Süngjangji küm 3 nungi 4 tsüngda nung ang adanger anungji iba mapang nung tanga tsünüsempongtsü, pulses, tu achiba aonsotsü aser aitem atem nung junger.
SüNGJANG AMEN MAMEN METETBA
Süngjangji kodang süsü süsüa sentsü yashia adoka kümdir aser sentsü tesangwa kümdir itemji shima ongzüktsü akok.
ZÜSENBA ASER ARUBA/AGIZÜKBA
Süngjang ongzüktsü atema mongputeni (October) itaji mapang shitak lir. Süngjangji anükanüker saka ano jungjunga mamen alir. Süngjang ajak ongmaa aongtsü atema anaben mesüra asemben tashi nung ang ongmar.
Küm 3 nungi küm 5 tashi nung persimmon süngdong nung süngjang atang tenzüker, aser iba süngdong arishi tasazükji küm roker (60) tashi alir. Süngdong tasen nungji küm shia kg 20-40 tashi adoker, saka süngdong tain kümerbo küm ka nung kg 150 nungi 200 tashi adoker.
Junga anepaluba, tashidak maket süngdong nungi küm shia kg 150-200 tashi adanger. Saka adangbaji süngjang kobala tsünür iba dakji keta lir. Ha shia ton 30 nungi 40 tashi agizüktettsü akok.
Ongzüktsü anasa anepaluba
Ongzüker aliba süngjangji molok nung mebendentsüla, kechiba süra idakji melamela raksar, anungji raksaba nungi kümzüktsü atema aser süngjangji ajak agitettsü atema ongzüker aliba süngjangji pakdi/lembak amala nung ayutsüla.
Mesen aser tashidak
Persimmon süngdong anepalutsüya kanga temela, mesen aser tashidak agi kangabo madonger, anepalutsü tasak masü süngdong ajidasüaka süngdongji tashidak agi meneptsü akok, itemji süngdong nung mokloka adokba koba ali majungba ajanga atokdaktsür (crown gall) aser süngo tu aser süngdang (twings) nung ara adoker jetzüka tsükdaktsür (anthracnose). Mesen rongnung tu longtendaktsüba longben aser mealy bug item jaki tatsük tesem nung timtem adoktaktsür.
Ocet rangben yangi angutsü:
The Nokinketer 