kümlong ward Mokochung nung June 21 Deobar anepdang 10:30 meta ki ka kanga mejungi rungtok, saka tiaka iba kitsük kirung lendong nung nisung tasüba aser yiruyipong ajuruba osang kecha maliasü.


Iba kirung lendongji angashia Mokokchung Fire & Emergency Service nung Inspector, Sedevizo Hibo den tongtepratepdang ashiba agi, iba lendong ya kidang sorochiokba taktang nung Gas ajanga adokba liasü. Inspector Hibo-isa ashiba agi, iba lendong angashiba sülen idangjisa lendong tesem jagi oa parnok den kiyongertem teyaritep nung lungjemer mi lendong tongpangji raraa koktet.


Iba kirung lendong nung ya sen lakh aika jenjang rongsen rungtokogo aser iba dak sentakba nung bushizüngdangba maparen tenzükogo, ta osang ajanga angazüker.