Kaketshir ajak dangi Ao Kaketshir Mungdang (AKM) mendenti nungi Khrista temiem salem lemsateper.

Asen lima Covid-19 wara tensa tamajungba küma aoba ajanga kaket rijutem ajak Online class dang agitsüsa  akümba atema sasa bilemer. Saka ajaki sarasadema iba mapang ya tajung ta bilema alangzüktsü meranga Online class nung adentsü aser tesayurtemi agütsüba lesson-tem meranga bushitsü ajungshir.

Tesayurtemi tanü tashi timtem arema kaketshirtem kaket shisatsü sayuba dang masü saka lenla ajak nung ajungmesoa aser sayubentsü tajung agütsüba asoshi kangasa AKM-i pelaba lemsateper. Maneni, iba mapa tajung asen linük ajungkettsü asoshi meranga inyaktsü mepishir.

Tensa mapang den apet, school, office-tem aser tanga mapa ajak Online ajanga dang inyakteper asünung Network Service Providers ajak tali kümkümshia ano network tali tajungba agütsütsü ajungshir.

Government-i koba SOPs aser teinyaktsütem kobasa latetja lir, iba nungji nübur ajaki amalitepa aser tashi angaa ozüng kübok alitsü ayongzüker.  

                Sd.

(CHUBAMEREN IMCHEN)

Education Secretary, AKM