Ao Kaketshir Mungdang, ajanga nübur ajak dangi Moatsü temeim salem abener. Asen Aor atema Moatsümung ya kanga dang tongtibang mapang ka lir. Asen tsürabur Khrista yimsü tajung marudang par külemba tsüngrem dang tzüngküm mongpu tsüdanga temoatsü meshia amungba mapang ka lir. Tanü tsürabur sobaliba tajung bilemteta iba anogo amungdang asen wadang balala kong nokdaka lir aji shisadanga ochi mulungsentsü agi aseni amangba kümtetdakba Yisu Khrista dang temoatsü meshizüka asen nüburtem tejakleni apusodi ta ayongzüker.

Ao Kaketshir Mungdang-i asen lima Ao Senden aküm kübok Moatsümung sentong tulu ayonga yangji Fazl Ali College-i medanga nokdakba ya temoatsü ulura anungji iba mapang asenoki asen sobaliba wazüka ayutsü mera kija masü saka alima tejakleni apusoba den asen sobaliba pur bendangia sapua angazüktsü aser parnok atema tatishitsü nükrangdong ka kümdakja nokdaktettsü merangdi. Iba mapang tajung ya asen sensosangertemi alangzükdi aser asen sobaliba, oshi aser asen tamangba akangshia ochi mera nung apusodi ta ayongzüker.

Sd/-

LONGPOZEM JAMIR